Natasha Martina – Phelipa
Den e masterclass nos a para ketu na algun patronchi heredá:
Patronchinan ku nos ta rekonosé, por ehèmpel:
- Evita kontakto visual
- Difikultat pa tuma responsabilidat
- Problema pa maneha plaka
- Deskonfiansa
- Difikultat pa kolaborá
Den hopi kaso, nos ta mira:
- Miedu
- Falta di seguridat
- Necesidat pa protehá bo mes
- Of un sistema ku no a siña kon pa konfia
I esaki por manifestá den:
- Jaloezie
- Sabotahe
- Konflikto
- Of un difikultad pa traha huntu
Unchained ta nifiká: mira, i skohe diferente.
Bob Harms: Transformando deskonfiansa heredá
Pensamentu:
Ora atraves di generashonnan konfiansa a wòrdu traishoná, koutela kontinuo i tin biaha eksagerá, a bira un forma di sabiduria. Den sosiedatnan formá pa sklabitut, kolonialismo i eksklushon, deskonfiansa no tabata paranoia. E tabata inteligensia di sobrebibensia. Pero inteligensia di sobrebibensia, ora ku nunka no re-eksamin’é, por kombertí su mes sutilmente den den isolashon sosial i spiritual.
Reflekshon:
Unda den bo bida deskonfiansa bieu ainda ta papia mas duru ku bo realidat awe?
Orashon Reflektivo:
“Dios di bèrdat i di memoria,
Abo ku a mira loke mi antepasadonan a soportá,
Bo sa dikon koutela a bira nesesario.
Mi ta honra e protekshon ei.
Awor, kaminda protekshon a bira distansia, suavisá loke a bira duru.
Kaminda sospecho ta papia promé, laga klaridat papia mas profundo.
Duná mi disernimentu sin amargura, forsa sin hostilidat, fronteranan sin miedu.”
Tarea:
Despues keda den silensio pa un ratu. Hala rosea profundo. No pa forsa konfiansa, sino pa sinti e diferensia entre protekshon i laga lòs.