Natasha Martina – Phelipa
Den e masterclass, nos a eksplorá kon historia a forma nos relashon ku poder, balor i nos mes.
Sklabitut i kolonialismo no tabata solamente sistemanan ekonomiko,
pero tambe sistemanan sikológiko ku a siña hende:
- Outoridat ta bini di pafó
- Balor ta bini di ariba
- Igualdat no ta evidente
Hopi patronchi a kuminsá komo strategia pa sobrebibí, pero ku tempu nan a bira parti di nos identidat.
E pregunta ta:
esaki ta ken bo ta, òf loke bo a siña?
Den sistemanan di skarsedat i kòntròl, hende a siña pa protehá nan mes.
Esaki ainda ta reflehá awe den:
- Deskonfiansa
- Difikultad pa kolaborá
- Of un relashon difísil ku poder
Liberashon ta kuminsá ku konsenshi.
Ora bo mira di unda patronchinan ta bini, bo por skohe si bo kier sigui ku nan, òf laga nan lòs.
Reflekshon:
- Unda bo ta evita poder?
- Unda bo ta adaptá en bes di ta bo mes?
- Kiko bo ta kla pa laga bai/lòs?
Unchained ta nifiká: skohe konsientemente ken bo kier bira.
Bob Harms: Liberashon for di sistemanan di balotá heredá
Pensamentu:
Bida despues di abolishon di sklabitut a keda ankrá den herarkianan sutíl di balotá hende. Balotá hende. Pa medio di nan koló di kuero (kolorismo), eksklushon, outo-menospresio internalisá. Hopi biaha, nos a siña balotá nos mes a trabes di wowo di sistemanan ku nunka no tabatin intenshon di mira nos antepasadonan komo hende.
Reflekshon:
Unda bo a apsorbé maneranan di midí bo balor propio ku ta disminuí bo dignidat?
Orashon Reflektivo:
“Presensia Eterno,
kita tur persepshon falsu di ken mi ta for di mi spiritu.
Limpiá mi persepshon i mi inklinashon pa balota mi mes a base di eskalanan falsu di superioridat i inferioridat ku m’a heredá.
Restorá den mi e konosementu ku mi ta kreá den bo imagen perfekto i p’esei tin un balor sagrado.”
Tarea:
Komprometé bo mes pa semper para ku bo lomba règt, pa laga bo postura reflehá bo dignidat.