Natasha Martina – Phelipa
Den e masterclass di The Hidden Architecture, nos a traha ku un perspektiva ku ta invitá pa mira nos mes di un otro manera:
Bo no ta pará bo so.
Bo ta parti di un sistema.
Den trabou sistemátiko, nos ta mira famia komo un sistema ku a forma den tempu, influensiá pa loke a pasa, i organisá pa sobrebibí.
Tur sistema ke sobrebibí i keda balansá.
Pa logra esaki, nan ta desaroyá:
- Ròlnan
- Reglanan no skirbí
- Patronchinan di komportashon
Hopi di esaki ta pasa sin bo ta konsiente di dje.
Den sirkunstansianan kaminda sobrebibensia tabata esensial, sistema a adaptá su mes.
Esaki por nifiká ku:
- Seguridat a bira mas importante ku bèrdat
- Adaptashon mas importante ku ta bo mes
- Lealtat mas importante ku outonomia
E patronchinan aki no tabata debilidad.
Nan tabata necesario.
Pero loke ta importante pa komprondé ta esaki:
Si doló, pérdida i inhustisia no a wòrdu prosesa,
nan ta sigui biba den generashonnan siguiente.
I hopi biaha, nan ta manifestá den nos bida sin nos ta konsiente:
- Den kon nos ta pensa
- Den kon nos ta sinti
- Den kon nos ta relashoná
Bob Harms: Nombra e realidat ku bo a heredá.
Pensamentu:
Nos ta bini di liñanan ansestral marká pa doló, pero tambe pa resiliensia. Sklabitut a blòkia konekshon, seguridat i ternura. Hopi di nos a heredá fortalesa promé ku nos a heredá ternura. Amor tabata presente, pero hopi biaha difísil pa pronunsiá.
Reflekshon/Tarea:
Ki ekspreshon di amor, seguridat òf afirmashon tabata limitá den bo liña ansestral?
Orashon Reflektivo :
“Fuente di Bida,
Abo ku a fortalesé mi antepasadonan den loke mester a kibra nan, siña’mi honra nan sobrebibensia, sin ripiti nan silensio.
Kaminda amor tabata den silensio, laga mi bira su bos.
Kaminda ternura tabata skars, lag’é bona pa medio di ami.”
Tarea:
Komprometé bo mes pa e luna aki, bo ekspresá un akto di apresio pa e fortalesa i resiliensia di bo antepasadonan, riba kende nan skouder bo ta pará awe.